க.பொ.த.உயர்தரப் பரீட்சையில் சிறப்புப் பெறுபேறுகளைப் பெற்ற பன்னிரண்டு மாணவர்களும், டெங்கு தொடர்பான சித்திரப் போட்டியில் வலய மட்டத்தில் முதல் ஐந்து இடங்களைப்பெற்று வெற்றிபெற்ற ஐந்து மாணவர்களும், மாகாண மட்டத்தில் 3ஆம் இடத்தில் வெற்றிபெற்ற மாணவனும,; வேறொரு சித்திரப்போட்டியில் மாகாணமட்டத்தில் முதலிடங்களைப்பெற்று வெற்றிபெற்ற இரு மாணவர்களும், 2017ஆம் ஆண்டு உயர்தரப் பரீட்சையில் மாகாண மட்டத்தில முன்னிலைப் பெறுபேற்றினைப் பெற்ற கலைப்பிரிவு மாணவியும் நேற்றைய தினம் நடராசா ஞாபகார்த்த மண்டபத்தில் நடைபெற்ற வைபவத்தில் பாராட்டி கௌரவிக்கப்பட்டதுடன் ரொக்கப் பரிசில்களும் வழங்கி ஊக்குவிக்கப்பட்டனர். பின்னே குறிப்பிடப்பட்ட மாகாணமட்ட சாதனையாளர்கள் மூவரும்  வடமாகாண கல்விப்பகுதியினாலும் பாராட்டிக் கௌரவிக்கப்பட்டிருந்தனர் என்பது குறிப்பிடத்தக்கதாகும்.

கல்லூரியின் அதிபர் திருமதி சிவந்தினி வாகீசன் தலைமையில் நடைபெற்ற பாராட்டு வைபவத்தில் கல்லூரியின் பழைய மாணவனும் பழைய மாணவர் சங்க கனடாக் கிளையின் ஊடாக கல்லூரியின் வளர்ச்சிக்கு பெரும் பங்களித்து வருகின்றவரும் Double Seal Insulating Glass Ltd, CLEARREX  Windows & Doors Manufacturing Inc.   ஆகிய நிறுவனங்களின் அதிபருமான திரு. மகாதேவன் பாலசுப்பிரமணியம் அவர்கள் பிரதம விருந்தினராகவும், கல்லூரியின் ஓய்வு நிலை அதிபரும் தாய்ச் சங்கத்தின் உப தலைவருமாகிய கலாபூசணம் பண்டிதர் மு.சு.வேலாயுதபிள்ளை அவர்கள் சிறப்பு விருந்தினராகவும், பழைய மாணவர் சங்க கனடாக் கிளையின் பொருளாளர் திரு.மா.கனகசபாபதி கௌரவ விருந்தினராகவும் கலந்துகொண்டு வைபவத்தைச் சிறப்பித்திருந்தனர்.

அதிபர் சிவந்தினி வாகீசன் அவர்கள் பிரதம விருந்தினர் திரு.மகாதேவன் பாலசுப்பிரமணியம் அவர்களை அறிமுகம்செய்து உரையாற்றுகையில்: காரை.இந்து அன்னையின் மைந்தர்கள் புலம்பெயர்ந்த நாடுகளில் பல்வேறு துறைகளிலும் சாதனை படைத்து கல்லூரி அன்னையை பெருமைப்படுத்தி வருகின்றனர். அந்தவகையில் திரு.மகாதேவன் பாலசுப்பிரமணியம் அவர்களும் தனது கடின உழைப்பினாலும், திறமையினாலும் கனடாவில் இரண்டு தொழில்நிறுவனங்களிற்கு சொந்தக்காராகி அவற்றை நிர்வகிக்கின்ற தொழில் அதிபராக பரிணமித்து கல்லூரி அன்னைக்கு பெருமை சேர்த்துவருவது மட்டுமல்லாது கல்லூரியின் வளர்ச்சியில் மிகுந்த கரிசனைகொண்டு பழைய மாணவர் சங்க கனடாக் கிளையின் ஊடாக உதவியளித்து வருவதுடன் ஊர்ப்பணிகளிலும் காத்திரமான பங்களிப்பினை வழங்கிவருவது குறித்து கல்லூரி அன்னை பெருமிதம்கொள்வதாகத் தெரிவித்து பாடசாலைச் சமூகத்தின் சார்பில் அவரைப் பாராட்டி நன்றியையும் தெரிவித்துக்கொண்டார். பழைய மாணவர் சங்கத்தின் கனடாக் கிளை தோற்றம்பெற்ற காலம் முதலாகவுள்ள கடந்த ஆறு ஆண்டுகளாக அச்சங்கத்தினால் வழங்கப்பட்டு வருகின்ற மகத்தான உதவிகள் காரணமாக கல்லூரி துரிதமான அபிவிருத்தியை நோக்கி நகர்ந்து செல்வதாகக் குறிப்பிட்ட அதிபர் வலயம், மாவட்டம், மாகாணம், தேசியம் என அனைத்து மட்டங்களிலும் கல்லூரி சாதனைகளைப் பதிவுசெய்து வருகிறதென்றால் அதற்கு முக்கிய காரணமாக கனடாக் கிளயின் ஊக்குவிப்புச் செயற்பாடுகள் அமைந்துள்ளதாக நன்றியுடன் தெரிவித்துக்கொண்டார்.
சிறப்பு விருந்தினர் பண்டிதர் மு.சு.வேலாயுதபிள்ளை அவர்கள் உரையாற்றுகையில் கல்வியின் சிறப்புக்களை விரிவாக எடுத்துக் கூறியதுடன் ஒரு கிராமத்தினதோ அல்லது சமூகத்தினதோ உயர்வுக்கு அடிப்படையானதாக விளங்கக்கூடிய கல்வியை வழங்கும் காரை.இந்துவின் வளர்ச்சிக்கு பழைய மாணவர் சங்கத்தின் கனடாக் கிளை ஆற்றிவருகின்ற அளப்பரிய பணிகள் விதந்து போற்றுதற்குரியன எனக் குறிப்பிட்டார்.

திரு.மகாதேவன் பாலசுப்பிரமணியம் அவர்கள் பண்டிதர் மு.சு.வேலாயுதபிள்ளை அவர்களினாலும் மாணவர்களை சித்திரப் போட்டியில் வெற்றிபெற தயார்படுத்திவிட்ட கல்லூரியின் சித்திரபாட ஆசிரியர் திரு.இ.ஜீவராஜ் அவர்கள் திரு.மகாதேவன் பாலசுப்பிரமணியம்  அவர்களினாலும் பொன்னாடை அணிவித்து கௌரவிக்கப்பட்டனர்.

இப்பாராட்டு நிகழ்விற்கான முழுமையான அனுசரணையினை பழைய மாணவர் சங்கத்தின் கனடாக் கிளை வழங்கியிருந்தது.

க.பொ.த.உயர்தரப் பரீட்சையில் சிறப்புச் சித்திபெற்று கௌரவம் பெற்ற பன்னிரண்டு மாணவர்களின் விபரம்:

சித்திரப் போட்டியில் வலய மட்டத்தில் முதல் ஐந்து இடங்களிலும் வெற்றிபெற்று கௌரவம் பெற்ற மாணவர்கள்:
1.செல்வன் சுதாகரன் யஸ்ரின்ராஜ்
2.செல்வன் புஸ்பராசா சேந்தன்
3.செல்வன் ஆரோகணன் சிந்துஜா
4.செல்வன் சசிகரன் தனுஜன்
5.செல்வன் விஜயகுமார் கஜரூபன்

சித்திரப் போட்டியில் மாகணமட்டத்தில் முதலிடங்களைப் பெற்று வெற்றிபெற்று கௌரவம் பெற்றோர்.
1.செல்வன் சுதாகரன் யஸ்ரின்ராஜ்
2.செல்வன் புலேந்திரன் கஜீபன்

2017ஆம் அஆண்டு க.பொ.த உயர்தரப் பரீடசையில் மாகாண மட்டத்தில் முன்னிலைபெறுபேற்றினைப்(2AB) பெற்று கௌரவம் பெற்ற கலைத்துறை மாணவி:
செல்வி சரண்யா பேரின்பநாயகம்

இந்நிகழ்வின்போது எடுக்கப்பட்ட படங்களை கீழே பார்வையிடலாம்: