க.பொ.த.(சா-த)தர பரீட்சையில் கல்லூரி மட்டத்தில் முதன்மைச் சித்தி பெற்ற செல்வி தீபிகா நவரத்தினம்,  மற்றும் ஆங்கிலமொழி மூலம் தோற்றி கல்லூரியில் முதன்மைச் சித்தி பெற்ற செல்வன். சிவஞானம் ராகவன்ஆகிய இருவருக்கும் மற்றும் சிறப்புச் சித்தி பெற்று உயர்தர வகுப்பிற்கு செல்வதற்கான தகமையினைப் பெற்ற ஏனைய அனைத்து மாணவர்களுக்கும் பழைய மாணவர் சங்கத்தின் கனடாக் கிளை தமது பாராட்டுக்களை கல்லூரி அதிபர் திருமதி.வாசுகி தவபாலன் அவர்களுக்கு ஊடாகத் தெரிவித்துள்ளது.

இவர்களுடைய சாதனையினால் கல்லூரி அடைந்துள்ள பெருமை குறித்து மகிழ்வுற்றிருக்கும் கல்லூரிச் சமூகத்துடன் கனடாக் கிளைச் சங்க உறுப்பினர்களும் இணைந்து கொண்டு இந்த மாணவர்களை பாராட்டி ஊக்குவிக்கும் வகையில் அவர்களிற்கு வழங்கி உதவும் பொருட்டு தமது கிளை, முப்பதினாயிரம் ரூபாவினை(30,000 ரூபா) பழைய மாணவர்களின் தாய்ச் சங்கத்தின் கணக்கிற்கு அனுப்பி வைத்துள்ளது.

மேலும் இம்மாணவர்களின் சாதனைக்கு வித்திட்ட முன்னாள் அதிபர் திரு.பொன்.சிவானந்தராசா, தற்போதயை அதிபர் திருமதி.வாசுகி தவபாலன் ஆகியோரின் சிறந்த வழிநடத்தலையும் மற்றும் இம்மாணவர்களுக்குக் கல்வி புகட்டிய அனைத்து ஆசிரியர்களின் அர்ப்பணிப்பான சேவையையும் இச்சந்தர்ப்பத்தில் பாராட்டுவதுடன் அவர்களுக்கு கனடாக் கிளைச் சங்கம் தனது நன்றியினையும் தெரிவிக்கின்றது.