அண்மையில் நடைபெற்ற எமது சகோதர பாடசாலையான யாழ்ற்றன் கல்லூரியின் வருடாந்த இல்ல மெய்வல்லுநர் திறனாய்வு நிகழ்வில் எமது அதிபர் திருமதி.வாசுகி தவபாலன் அவர்களும் கலந்து கொண்டு சிறப்பித்திருந்தார்.

மேற்படி இல்ல மெய்வல்லுநர் திறனாய்வு நிகழ்வு 08.02.2014 அன்று; கல்லூரி அதிபர் திரு.வே.முருகமூர்த்தி தலைமையில் பாடசாலை மைதானத்தில் நடைபெற்றது.

இந்நிகழ்விற்கு பிரதம விருந்தினராக தீவக வலய பிரதிக் கல்விப் பணிப்பாளர் திரு.இ.குணநாதன், சிறப்பு விருந்தினராக கல்விக் காருண்யன் திரு.நு.ளு.P நாகரத்தினம், கௌரவ விருந்தினராக சுன்னாகம் தேசிய சேமிப்பு வங்கி முகாமைகயாளர் திரு.க.சிவகுமார் மற்றும் அயல் பாடசாலை அதிபர்கள், ஆசிரியர்கள், பழைய மாணவர்கள், பெற்றோர் ஆகியோர் கலந்து கொண்டு சிறப்பித்திருந்தனர்.

மிகச் சிறப்பாகத் திட்டமிட்டு நடத்தப்பட்டிருந்த பான்ட் அணியினரின் அணிவகுப்பு, மற்றும் உடற்பயிற்சி கண்காட்சி என்பனவற்றுடன் மைதான தட கள விளையாட்டுப் போட்டிகளும் நடைபெற்றிருந்தன.

இந்நிகழ்விலே எமது கல்லூரி அதிபர் திருமதி.வாசுகி தவபாலன், எமது கல்லூரியின் ஓய்வுநிலை அதிபர் திரு.கா.குமாரவேலு, எமது கல்லூரியின் முன்னாள் ஆங்கில ஆசிரியையும் ஓய்வுநிலை உதவிக் கல்விப்பணிப்பாளருமாகிய திருமதி.சிவபாக்கியம் நடராஜா, கல்லூரியின் முன்னாள் ஆசிரியர் திரு.ந.கணேசமூர்த்தி, எமது கல்லூரியின் விளையாட்டுத்துறைப் பொறுப்பாசிரியர் திரு.அ.லிங்கேஸ்வரன், எமது கல்லூரியின் சாரணிய அமைப்பின் பொறுப்பாசிரியர் திரு.ந.கேதாரிநாதன் ஆகியோரும் கலந்து கொண்டு சிறப்பித்திருந்தமை இங்கு குறிப்பிடத்தக்கது.

இந்நிகழ்வில் எடுக்கப்பட்ட படங்களை இங்கே காணலாம்.