பழைய மாணவர் சங்க கனடாக் கிளையின் உத்தியோகபூர்வ இணையத்தளமாகிய karaihinducanada.com காரைநகர் இந்துக் கல்லூரி தொடர்புபட்ட செய்திகள், தகவல்கள், அறிவித்தல்கள், சாதனைகள், பெருமைகள் என்பவற்றையும் பழைய மாணவர் சங்க கனடாக் கிளையின் செயற்பாடு குறித்த முழுமையான விபரங்களையும் சிறந்த முறையில் பதிவுசெய்து வருவதன் ஊடாக அனைவரதும் பாராட்டினைப் பெற்ற ஒன்றாக விளங்குகின்றது. அது மட்டுமல்லாது காரை.இந்துவின் புகழை தரணியெங்கும் விளங்க வைப்பதிலும் கல்லூரியின் வளர்ச்சியில் பழைய மாணவர்களினதும் நலன் விரும்பிகளினதும் ஈடுபாட்டினை மேம்படுத்துவதிலும் சர்வதேசமெங்கும் பரந்து வாழும் பழைய மாணவர்களை ஒருங்கிணைப்பதிலும் இவ்விணையத்தள சேவையின் பங்களிப்பு காத்திரமானதாகக் கருதப்படுகிறது. இவ்விணையத்தளத்தினை பார்வையிடுவோரின் எண்ணிக்கை தற்போது அதிகரித்து வருகின்றமை அவதானிக்கப்படுகிறது.

இவ்விணையத்தளத்தினை அலைபேசியில்(Mobile) தெளிவாகப் பார்வையிடமுடியாதிருந்த குறை நிவர்த்திசெய்யப்பட்டு அழகிய தோற்றத்துடன் மீள்வடிவமைக்கப்பட்ட இணையத்தளத்தினை தமிழ் புதுவருட தினமாகிய எதிர்வரும் ஏப்பிரல் மாதம் 14ஆம் திகதி ஞாயிற்றுக்கிழமை முதல் பார்வையிடமுடியும் என்பதை பழைய மாணவர் சங்கத்தின் கனடாக் கிளை நிர்வாகம் மகிழ்ச்சியுடன் அறியத்தருகின்றது.